منتدى طلاب هندسة الطيران دفعة 12

بِسْمِ اللهِ الرَّحْمَنِ الرَّحِيْمِ

منتدى طلاب الدفعة 12 طيران بجامعة السودان يرحِّب بكم .
و نتمنى لكم رحلة سعيدة في أرجاء المنتدى .

حتى تزداد معرفةً بجمال الأرض .............. فانظر إليها من السماء


    من نوتتة اختنا سحر.........(ما سحر عثمان)

    شاطر
    avatar
    علوبه
    طيار مميّز
    طيار مميّز

    عدد المساهمات : 117
    نقاط المشاركات : 131
    تاريخ التسجيل : 29/12/2009

    من نوتتة اختنا سحر.........(ما سحر عثمان)

    مُساهمة من طرف علوبه في الثلاثاء يونيو 15, 2010 2:33 am

    كالعادة وخلافا لكل دول العالم التى تتم فيها مراسم الزواج فى يوم او اثنين وبأقل التكاليف الممكنة نجد ان الزواج السودانى هو عبارة عن مسلسل مكسيكى يستمر لايام وايام يجتمع فيها الاهل والاحباب والجيران وجيران الجيران والاقارب من الدرجة الخمسمائة بعد الالف وينفق فيه اموال طائلة تكفى لبناء مستشفى حديث او فندق 5نجوم او رواتب المعلمين فى احدى المحافظات
    >
    تبدأ الحكاية بعد ان تحس بالقلق عندما تجد ان معظم اصدقاءك قد دخلو القفص الذهبى طائعين مختارين_اؤمن تماما بمسألة القفص ولكن لدى تحفظات كثيرة على حكاية ذهبى دى_المهم تحس بالخطر وتأخذك غضبة حمقاء وتناجى نفسك وانت فى حفلة زواج احد الاصدقاء (والله الواحد بعد دا يشوف ليه مرا. معقول هناى الاهبل دا يعرس وانا لسه قاعد براى زى تور الساقية) عندها يستعرض خيالك قائمة طويلة من معارفك البنات ابتداء من ناس نونة زميلتك فى الروضة مرورا بصديقات مرحلة المراهقة الكتار وحتى زميلات الجامعة والشغل وبنات الحلة وبنات الاعمام والاخوال وباقى الاهل ثم وبسرعة تنسى كل اولئك النساء فى حياتك عندما تسترعى انتباهك الحسناء الجالسة فى ركن قصى فى حفل ذات الصديق الاهبل,تحبها من اول نظرة وتراقب حركاتها وسكناتها, تلاحظك هى لكن تعمل ماشايفة وتتلاهى بمكالمة وهمية فى موبايلها وهى ترمقك من طرف خفى كما يفعل الصياد المحترف
    >
    > المهم تتعارفوا بواحدة من الطرق الكثيرة وجلسة جلستين فى الكافتريا ثم (ياهناى والله انا ماممكن اطلع وانزل معاك كدا ساى, الناس تقول علينا شنو؟ سمعتى حتبوظ) ثم تمسح دمعة وهمية من عينيها فتأخذك الحماسة وتقول (والله ياسوسو_ودا اسم دلع يقبل آلاف الاسماءمنعا للمشاكل_انا ناوى اصل بيتكم بس انتى عارفة الظروف والعرس بيكلف كتير وووووو) فتقاطعك سوسو بحنية ثعلبية وبنعومة الافاعى (انا مادايرة منك شى, انت بس تعال اخطب والعرس يتأجل لحد ماالظروف تتحسن) فتصدق الكلام من عوارتك وتحدد يوم الخطبة وتأخذ ثلة من اهلك وقليل من جيرانك واصدقاءك وتقصد بيت الملاك المختار وتفاجأ انت واهلك بحشد كبير فى بيت العروس وخيمة كبيره امام البيت وصوت المايكرفون يردد (تست تست واحد اتنين تلاتة تست تست) تأخذك الدهشة قبل ان يأخذك ابو العروس جانبا, يعدل عمته التوتل ثم يقول (والله ياولدى انحنا خطوبة ومسخرة ودخلة ومرقة ماعندنا,عشان كدا قررنا نعقد ليكم طوالى والعرس بالراحة) ثم بأبتسامة محذرة (ولا رايك شنو؟) وقبل ان تدلى برأيك غير المعتد به اصلا يكون وكيلك ووكيلها قد اتموا عقد القران فى الخيمة وتحولت انت بقدرة قادر من مشروع خطيب الى زوج-مع وقف التنفيذ-بسرعة البرق ثم يغمرك المعازيم (مبروك ياعريس مبروك ياعريس بيت مال وعيال) وانت كاضم ماقادر ترد وتسمع احدى عمات العروس وهى تقول (شوفوا ياخوانى من الفرحة لمن ماقادر يتكلم) ثم تطلق زغرودة مدوية وهى تبتعد تجتاحك معها رغبة فى لكمها فى فمها لتخرس الى الابد .. فرغم انها صارت شرعا حرمك المصون الا انه يجب عليك ان تقوم بطقوس مهولة ومراسم عرس كامل لأستلامها!!! وعندما تثور على الوضع وتحلف بالطلاق ان تمشى تجرها من شعرها وتجيبا بيتك بدون حفلات او كلام فارغ وتخلص .. تفاجأ بأن المعارضة تأتيك من الداخل أى امك واخواتك (ليه مادايرنا نفرح بيك؟ انحنا اقل من الناس البسوو الاعراس؟ والله لو ماعملت عرس ماعافيين منك؟ عليك الله عاين دا, داير الجارات ياكلن وشنا؟) فترضخ للأمر الواقع وتبيع قطعة ارض ورثتها عن جدك الرابع عشر وترهن بيت ابوك وتبيع الكمبيوتر والموبايل وتزوغ ببعض الصناديق ثم تستلف من 10-15صديق كدا واخيرا واخيرا جدا تجد نفسك حالق جديد ولابس بدلة سودا-لون الحداد!!!- متأبط شرا هو عروسك المصونة والتى جاءتك فى هيئة فيل صغير بعد ان نجحت وصفات التسمين التى قامت بها العمات والخالات وبعض الصديقات الخبيرات, تأتيك متدحرجة فى فستان ابيض-لون الفرح!!! -فتجلسا تحت بقعة ضوء مزخرفة عليها كرسيان تعرف بالكوشة- والتى لاول مرة تدرك معناها- الجميع فى الحفل فى رقص هستيرى والفنان يصدح بسعادة غير مبررة (شن بتقولوا فى الفرح البعذب سيده والريد البضيع زولوا!!) فتلمس الاغنية فيك اوتارا حساسة وتكاد تطفر الدموع من عيونك, وتجول عيناك على الحضور السعيد وتتوقف عيونك على آخر العزاب من اصدقاءك وهو يرنو اليك بحسد تارة وتجول عيناه بين الحسناوات تاره اخرى وتكاد تقرأ افكاره وهو يفكر (هسى فلان الاهبل دا عرس وانا قاعد براى زى تور الساقية؟) فتكاد تصرخ فيه محذرا ولكن صوتا خبيثا فى داخلك يهمس بمكر وحقد (وانا مالى, هو أنا فى زول حذرنى؟)؟
    avatar
    مصعب عبد المنعم
    طيار مميّز
    طيار مميّز

    عدد المساهمات : 471
    نقاط المشاركات : 851
    تاريخ التسجيل : 09/11/2009
    العمر : 29
    الموقع : البيت ( جنب الجيران )

    رد: من نوتتة اختنا سحر.........(ما سحر عثمان)

    مُساهمة من طرف مصعب عبد المنعم في الثلاثاء يونيو 15, 2010 3:40 am

    معااااااااااااااااااااااااااااط ! tongue



    طيــــــــــــران 12
    avatar
    rayan abdelwahab
    طيار مميّز
    طيار مميّز

    عدد المساهمات : 126
    نقاط المشاركات : 171
    تاريخ التسجيل : 08/05/2010
    العمر : 28

    رد: من نوتتة اختنا سحر.........(ما سحر عثمان)

    مُساهمة من طرف rayan abdelwahab في الثلاثاء يونيو 15, 2010 4:18 am

    $deeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeed affraid queen Sleep
    avatar
    mohammed ali
    طيار مميّز
    طيار مميّز

    عدد المساهمات : 160
    نقاط المشاركات : 302
    تاريخ التسجيل : 21/03/2010
    العمر : 27

    رد: من نوتتة اختنا سحر.........(ما سحر عثمان)

    مُساهمة من طرف mohammed ali في الثلاثاء يونيو 15, 2010 5:01 pm

    ااااااااااااااااااااااااااااااااااه Suspect
    avatar
    dangerous
    طيار مميّز
    طيار مميّز

    عدد المساهمات : 130
    نقاط المشاركات : 205
    تاريخ التسجيل : 12/05/2010
    العمر : 29

    رد: من نوتتة اختنا سحر.........(ما سحر عثمان)

    مُساهمة من طرف dangerous في الثلاثاء يونيو 15, 2010 6:19 pm

    موضوع جميل والجماعة العلقوا قدامي بعضهم - وليس كلهم - حاقدين
    avatar
    علوبه
    طيار مميّز
    طيار مميّز

    عدد المساهمات : 117
    نقاط المشاركات : 131
    تاريخ التسجيل : 29/12/2009

    رد: من نوتتة اختنا سحر.........(ما سحر عثمان)

    مُساهمة من طرف علوبه في الجمعة يونيو 18, 2010 1:52 am

    تسلم يا يوسف اساسا حاجة زي دي مابفهما اي زول
    avatar
    albre'a
    طيـار مبتدئ
    طيـار مبتدئ

    عدد المساهمات : 14
    نقاط المشاركات : 24
    تاريخ التسجيل : 05/06/2010

    رد: من نوتتة اختنا سحر.........(ما سحر عثمان)

    مُساهمة من طرف albre'a في الجمعة يونيو 18, 2010 9:29 pm

    sem ya 3lawia ma lget 3'ir sa7r o en$a2 allah ykon n9ibak keda o ykon gfa9 me9ade
    avatar
    samahali
    طيار مميّز
    طيار مميّز

    عدد المساهمات : 167
    نقاط المشاركات : 293
    تاريخ التسجيل : 23/11/2009
    العمر : 26

    رد: من نوتتة اختنا سحر.........(ما سحر عثمان)

    مُساهمة من طرف samahali في السبت يونيو 19, 2010 9:34 pm

    قصة حلوة شديد
    avatar
    علوبه
    طيار مميّز
    طيار مميّز

    عدد المساهمات : 117
    نقاط المشاركات : 131
    تاريخ التسجيل : 29/12/2009

    رد: من نوتتة اختنا سحر.........(ما سحر عثمان)

    مُساهمة من طرف علوبه في الأحد يونيو 20, 2010 1:24 am

    لكن يا البريئة حقدناتج عن طفولة متشردة مبالغة
    avatar
    dangerous
    طيار مميّز
    طيار مميّز

    عدد المساهمات : 130
    نقاط المشاركات : 205
    تاريخ التسجيل : 12/05/2010
    العمر : 29

    رد: من نوتتة اختنا سحر.........(ما سحر عثمان)

    مُساهمة من طرف dangerous في الأحد يونيو 20, 2010 3:08 am

    الألفاظ يا عمو علي!!!!!!!!!!!!! ساعدنا بالأفاظ؟؟؟؟؟؟؟؟؟

      الوقت/التاريخ الآن هو الأربعاء نوفمبر 21, 2018 12:23 pm