منتدى طلاب هندسة الطيران دفعة 12

بِسْمِ اللهِ الرَّحْمَنِ الرَّحِيْمِ

منتدى طلاب الدفعة 12 طيران بجامعة السودان يرحِّب بكم .
و نتمنى لكم رحلة سعيدة في أرجاء المنتدى .

حتى تزداد معرفةً بجمال الأرض .............. فانظر إليها من السماء


    إستفتاء هام جدا

    شاطر

    تصويت

    lمع النفصال ..ام ضد الانفصال

    [ 0 ]
    0% [0%] 
    [ 1 ]
    100% [100%] 

    مجموع عدد الأصوات: 1
    avatar
    محمد ابراهيم
    طيار مميّز
    طيار مميّز

    عدد المساهمات : 152
    نقاط المشاركات : 250
    تاريخ التسجيل : 17/12/2009

    إستفتاء هام جدا

    مُساهمة من طرف محمد ابراهيم في الثلاثاء يونيو 22, 2010 11:09 pm

    شباب مرحب بيكم في هذا الإستفتاء _ الكل يتابع ما يدور في الساحة السياسية اليوم من التشكيل الوزاري الجديد _وتنفيذ إتفاقية نيفاشا بين الشريكين وكذلك رفض بعض الاحزاب من المشاركة في التشكيل الوزاري الجديد وغيرها من الاحداث الاخرى ما اود طرحه هنا الحديث عن الإنفصال والإستفتاء الذي سوف يتم قريبا والذي سوف يحدد مصير السودان _ سؤال اطرحه لكل اعضاء المنتدى هل انت مع الإنفصال ام مع الوحدة مع توضيح السبب__


    عدل سابقا من قبل محمد ابراهيم في الجمعة يونيو 25, 2010 7:58 pm عدل 1 مرات
    avatar
    rayan abdelwahab
    طيار مميّز
    طيار مميّز

    عدد المساهمات : 126
    نقاط المشاركات : 171
    تاريخ التسجيل : 08/05/2010
    العمر : 28

    رد: إستفتاء هام جدا

    مُساهمة من طرف rayan abdelwahab في الأربعاء يونيو 23, 2010 1:15 am

    انا اؤيد الانفصال لاسباب وجيهه (ما قاصده الوجيه طبعا)_ لانو ضرت البلد اكتر مما افادتو ومع عدم الانفصال لأنو حتخصم من المساحه الكليه وحتحقق المساعي الامريكيه

    عاشق الصمت
    طيـار مبتدئ
    طيـار مبتدئ

    عدد المساهمات : 16
    نقاط المشاركات : 26
    تاريخ التسجيل : 14/05/2010
    العمر : 30

    رد: إستفتاء هام جدا

    مُساهمة من طرف عاشق الصمت في الأربعاء يونيو 23, 2010 11:38 pm

    مع الوحده لان الوحده اصبحت مسؤليه الجميع ...وانا شايف انو الإنفصال مامن مصلحه البلد دي لانو بهدد مستقبل الاجيال القادمه--والجيل الحديث هو الحيعاني من الإنفصال ونرجع تاني للجهاد والالزاميه وساحات الفدأ وبرنامج طويل مامعروف يودينا لي وين!!!ونحن والله دوله ماشه بالبركه اقل هبشه حنروح في خبر كان واخواتها وبنات خالاتها ولا شنو؟؟؟
    avatar
    dangerous
    طيار مميّز
    طيار مميّز

    عدد المساهمات : 130
    نقاط المشاركات : 205
    تاريخ التسجيل : 12/05/2010
    العمر : 29

    رد: إستفتاء هام جدا

    مُساهمة من طرف dangerous في الخميس يونيو 24, 2010 2:57 am

    أنا مع الإنفصال . لأنو الجنوب ده من يومو ما شفنا منو خير!!! وبعدين بالبلدي كده الجنوبيين ديل ما منهم خير ، والناس ديل في أي شيء ما بشبهونا لا عادات ولا تقاليد لا دين ولا لغة ، ونحن من وراهم ما لقينا إلا الحرب، وانا من هنا بضم صوتي لي كل الأصوات الإنفصاليه والمناديه بالإنفصال ، وأولهم طبعا" الأستاز : الطيب مصطفى رئيس مجلس إدارة جريدة الإنتباهة ، وانا بنصح أي زول ما إنفصالي يقرأالإنتباهة وبالزات عمود( زفرات حرى) والإنفصاليين طبعا" ما دايرين وصية

    mamado
    طيـار مبتدئ
    طيـار مبتدئ

    عدد المساهمات : 13
    نقاط المشاركات : 31
    تاريخ التسجيل : 08/08/2010
    العمر : 35

    رد: إستفتاء هام جدا

    مُساهمة من طرف mamado في الأربعاء أغسطس 18, 2010 4:11 am

    انا مع الوحده قلبا وغالبا
    الانفصال هو عوده للحرب
    الانفصال هو الشتات والضياع
    الانفصال هو الدمار
    avatar
    علوبه
    طيار مميّز
    طيار مميّز

    عدد المساهمات : 117
    نقاط المشاركات : 131
    تاريخ التسجيل : 29/12/2009

    رد: إستفتاء هام جدا

    مُساهمة من طرف علوبه في الخميس أغسطس 19, 2010 6:47 am

    يا سيد يوسف الجنوب الما عاجبك يقع على حدوده مع الشمال اكبر حقل نفطي في السودان (مصدر الدخل الاول للبلد)وتانيا اذا انفصل الجنوب ايه الي اليمنع ناس دارفور يقولو دايرين حق تقرير المصير ومن ثم ينفصلوا ويجوا بعدهم اهلنا في الشرق وناس البجا يقولوا تقرير المصير وبالتالي البلد يتمزق ويصبح زي ما قالوا مثلث حمدي وبعدين احنا سبب المشكلة اساسا لو من زمن عبود الجنوب ده كانوا ادوه حقوقه ما كان حصل الحصل واي شخص يقول داير الانفصال اتمنى ان يتكلم بمنطق لانو كما هو لابد من ان يكون ليه قريب من اي درجة قرابة بيستثمر او بيشتغل في الجنوب او عندو مصلحة في الجنوب تقدر تقول لي ديل وضعهم حيكون كيف دا ناهيك عن المعاناة الاقتصادية الي حيعانيهاالبلد بسبب ان دول الاتحاد الاوربي وامريكا حتكون منفتحة على الجنوب وحتغلق اي باب صلح مع الشمال لانها وجدت ضالتها في الجنوب حتى الدول المعتبرة صديقة زي الصين وروسيا حيتجهوا للجنوب وحيكون في شح في الاستثمار في الشمال
    عرفت ليه احنا دايرين الوحدة
    avatar
    مصعب عبد المنعم
    طيار مميّز
    طيار مميّز

    عدد المساهمات : 471
    نقاط المشاركات : 851
    تاريخ التسجيل : 09/11/2009
    العمر : 29
    الموقع : البيت ( جنب الجيران )

    رد: إستفتاء هام جدا

    مُساهمة من طرف مصعب عبد المنعم في الخميس أغسطس 19, 2010 6:59 am

    سبحان الله ...
    الانفصال يعني قدوم الأعداء الحقيقين ( الأمريكان و الإسرائيليين و غيرهم ) لينهبوا ثروات البلاد .
    الوحدة : قد لا نرتاح و نعاني مزيد من المشاكل التي نعاني منها الآن .

    اللّهم اجعل هذا البلد آمنًا و مطمئنًّا و سائر بلاد المسلمين , و ارزق أهله من الثمرات .



    طيــــــــــــران 12

    mamado
    طيـار مبتدئ
    طيـار مبتدئ

    عدد المساهمات : 13
    نقاط المشاركات : 31
    تاريخ التسجيل : 08/08/2010
    العمر : 35

    رد: إستفتاء هام جدا

    مُساهمة من طرف mamado في السبت أغسطس 21, 2010 2:39 am

    صحيح اخوانا الجنوبيين يختلفوا معنا في كثير من الاشياء اولها العادات والتقاليد زالديانه واللغه
    لكن السودان لو كان اتقسم من يوم الاستقلال ما كان في مشكله لكن ينفصل الجنوب الان لا والف لا انا ما عارف كيف وافقت الحكومه علي وضع بند للانفصال في اتفاقيه السلام
    اولا لو انفصل الجنوب في عهد هذه الحكومه ما عليهم شئ سوي تقديم استقالاتهم من حكم هذا البلد لانهم لم يستطيعوا المحافظه علي وحدته
    يا جماعة الخير البلد تمر بمازق حقيقي وهذه الورطه تمسنا كلنا كشعب شماليين اوجنوبيين وغيرهم لان امننا مهدد هل ترضون بان تكونوا مثل العراق او الصومال فنفقد اهلنا واصدقائنا حتي دراستنا الجامعيه
    اللهم احفظ هذا البلد من المار
    avatar
    the double
    طيـار مبتدئ
    طيـار مبتدئ

    عدد المساهمات : 25
    نقاط المشاركات : 28
    تاريخ التسجيل : 20/06/2010

    رد: إستفتاء هام جدا

    مُساهمة من طرف the double في السبت أغسطس 21, 2010 4:49 pm

    بالمناسبه الموضوع دا مافارق معاي في اي حاجه لوإتوحدوا والا إنفصلوا
    ولمن المساله تبقي على التصويت ما حأصوت

      الوقت/التاريخ الآن هو الأربعاء نوفمبر 21, 2018 12:22 pm