منتدى طلاب هندسة الطيران دفعة 12

بِسْمِ اللهِ الرَّحْمَنِ الرَّحِيْمِ

منتدى طلاب الدفعة 12 طيران بجامعة السودان يرحِّب بكم .
و نتمنى لكم رحلة سعيدة في أرجاء المنتدى .

حتى تزداد معرفةً بجمال الأرض .............. فانظر إليها من السماء


    شواكيش بالتخصصات

    شاطر
    avatar
    علوبه
    طيار مميّز
    طيار مميّز

    عدد المساهمات : 117
    نقاط المشاركات : 131
    تاريخ التسجيل : 29/12/2009

    شواكيش بالتخصصات

    مُساهمة من طرف علوبه في الثلاثاء يونيو 15, 2010 2:40 am

    طبعا كلنا عارفين معنى كلمة شاكوش
    شاكوش يعني تخليك صحبتك.. لغير الناطقين باللهجة السودانية ..
    لمن يزهج الولد من البت ويفكها عكس الهوى زي مابقولو بمختلف
    التخصصات ولغات التخصصات


    كلية طب الأسنان
    لمن يحصل تسوس بالشكل ده في حياتنا يا منال...لازم نقلع اسباب التسوس من جذوره... التخدير الموضعي لآلمنا ما بحل المشكلة...ومحاولة التقويم فشلت معاكي للاسف..ودايما بتركبي لي ضرس ما ضرسك..عشان كده الجسر امتد وزاد بيناتنا ...وقدر ما حركت فكي معاكي برضو مصرة تجيبي لي التهاب في اللثة ...انتي بقيتي حشوة مؤقتة لقلبي وانا محتاج حشوة دااااااااااااااايمة

    كلية علوم التغذية
    منال انتي سببتي لي تسمم في حياتي ..وعلاقتنا دي ناقصة فايتمين.. ولازم تنتهي لأنو الاستمرار فيها غير صحي على الاطلاق
    وبعدين انا زهجت من المحاولات الفاشلة لتعقيم علاقتنا.. و زهجت من تطهيرك لجروحي القديمة...وبقى عندي عسر في هضم شخصيتك...حتى شهيتي للونسة مع البنات اتسدت
    كفانا مواد حافظة يا دي


    كلية هندسة الجينات
    منال...انتي عارفة انو جيناتك هي السبب؟!!...ضعف المناعة العاطفي موروث في عيلتك.. أنا آسف بس أحماضنا النووية ما بتتفق ولازم نتحلل....وكلو كروموسوماية تمشي جهة
    وكلو نواة تطلع خليته


    كلية علوم الطيران
    منال...يؤسفني اقول ليكي اني دقيت ليكي خروج نهائي من حياتي... اعمل شنو ياخ؟...انتي عارفة انو مكنة الحب بتخرب عاجلا ام آجلا..وبعدين انا زول درجة اولى وانتي يا دااااااااااب درجة الأفق
    انا وانتي طيارتنا وررررررررر اقلعت ...ما تخلينا نهبط هبوط اضطراري برة مدرجات الحياة
    avatar
    مصعب عبد المنعم
    طيار مميّز
    طيار مميّز

    عدد المساهمات : 471
    نقاط المشاركات : 851
    تاريخ التسجيل : 09/11/2009
    العمر : 28
    الموقع : البيت ( جنب الجيران )

    رد: شواكيش بالتخصصات

    مُساهمة من طرف مصعب عبد المنعم في الثلاثاء يونيو 15, 2010 3:41 am

    علي طبعا مجرّب جميع الحاجات دي ! ( خبرة يا ولد ) ! Shocked



    طيــــــــــــران 12

      الوقت/التاريخ الآن هو الإثنين ديسمبر 18, 2017 1:34 am