منتدى طلاب هندسة الطيران دفعة 12

بِسْمِ اللهِ الرَّحْمَنِ الرَّحِيْمِ

منتدى طلاب الدفعة 12 طيران بجامعة السودان يرحِّب بكم .
و نتمنى لكم رحلة سعيدة في أرجاء المنتدى .

حتى تزداد معرفةً بجمال الأرض .............. فانظر إليها من السماء


    حبوبات الألفية الرابعة

    شاطر
    avatar
    samahali
    طيار مميّز
    طيار مميّز

    عدد المساهمات : 167
    نقاط المشاركات : 293
    تاريخ التسجيل : 23/11/2009
    العمر : 25

    حبوبات الألفية الرابعة

    مُساهمة من طرف samahali في الجمعة مايو 28, 2010 3:38 am

    في ذلك الزمن سيتغير كل شيء ... ستبلغ حبوباتنا درجة عالية من التشرب بمعطيات التكنولوجيا .. فهيا لندخل في عالم حبوبات الألفية الرابعة
    قالت حبوبة (رؤية) مخاطبة حاجة "شاهيناز" التي كانت منهمكة في فرك البامية المحورة جينياً
    - والله يا شاهيناز أنا ما عارفاك بتفركي كيف بي (مفراكة الليزر) دي الناس بقو يفركو بي (المفراكة الكهرومغناطيسية ..
    ردت عليها حبوبة (رؤية) وهي تطفئ البوتجاز الذي يعمل بنظرية الأوتار الفائقة
    - نسوي شنو يا بت أمي نحنا لسه ما دخلنا في عصر الصرخة العلمية لكن أسكتي ساي ما وريتك
    أمس حاجة هيام بت هيثم ود لؤي عملت شنو؟! ..
    نططت حاجة شاهيناز عيونها تهيؤاً لاستقبال الشمار وقالت:
    - مالا ؟! .. أنا عارفاها دي زولة عندها (ضلالات عدمية) تلقاها سوت ليها عملة كبيرة !!
    أجابتها حبوبة رؤية:
    - أمس مشيت ليها البيت كنت دايرة لي (ثالث كرومات السايكوبالتيك) عشان ألون الخبيز .. لقيتا ليكي ماسكة (اللاب توب) بتاعا وعاملة (شات) مع واحد عجوز من (هضبة التبت) .. تصوري المرا الما بتخجل دي! ..
    ومواصلة لهذه (القطيعة الإلكترونية) قالت حاجة شاهيناز:
    أنا زاتي المره دي (كجنتها) من ما سوت لينا القهوة في الجبنة الصانعنها من (معدن التيتانوم) ، يعني ما سمعت بي (جبنة الألياف الضوئية
    أضافت حاجة رؤية في استهجان:
    والله صحي (الماوس ما بزيل بلم) .. العالم بتقدم وديل لسع في التخلف لكن إنتي أمس مالك ما مشيتي معانا لي الاحتفال بالذكرى السنوية لـ (جولدن جلاشو) عالم الفيزياء المشهور
    أجابتها حاجة شاهيناز:

    أمس بعيد عنك مشيت أفحص (الجينات) بتاعتي ... أصلو عندي (جين) كده مغلبني قلت أقلعو أرتاح منو مرة واحدة .. وبالمرة غشيت الصائغ غيرت غوايشي بي معدن نفيس جديد إسمو (الزرانكلينيوم) جابوه من كوكب ما متذكراهو لكن بدور حول نجم اسمو (لالاند) مننا زي تمانية سنة ضوئية.!
    هزت حبوبة رؤية رأسها وقالت:

    والله بقيتي خطيرة عديييل .. غوايش البتاع القلتيهو ده أنا زاتي ما سمعت بيها .. كدي وريني واحدة
    قالت لها حبوبة رؤية:
    ديل يا اختى للمناسبات بس ما بطلعو بيهن ساي ثم رفعت حاجبها الأيسر باندهاش مفتعل وأضافت
    وبعدين إنت الظاهر عليكي برضو ما سمعتي بي شنطة اليد الجديدة العاملنها من (رقائق السيلكون)
    سحبت حاجة شاهيناز نفساً عميقاً وهي تجهز عبارات مناسبة لترد بها هذه الهجمة الشرسة لترد لها البوبار بمثله ثم قالت:

    حاجاتك القلتيها دي أنا صاح ما مرت علي .. لكن إنتي برضو ما سمعتي بي الكفتيرات الجديدة البتعمل بي (موجات ألفا) و لا بـ (الكمشة الاستقطابية) .. ودي كمشة بتغرف الملاح براها وبتكبو في الصحن ..
    وعندك كمان (الحلة الفوتونية) ودي بتنجض الملاح بـ (الطاقة القمرية......)
    وفي هذه اللحظة دخل عليهن (حاج رامي) زوج حبوبة رؤية وهو في الثمانينات .. وتوقف موارباً للباب ليتصنت على هذا (البوباريشن) المعتق، سمع حاجة شاهيناز تواصل حديثها لزوجته حبوبة رؤية وهي تقول: وبعدين أنا ولدي المغترب في (كوكب نبتون) جاب ليهو (ولد آلي) صغيروني يساعد مرتو في تقطيع السلطة وغسيل العـدة .. وفي هذه اللحظة دخل حاج رامي وقال:
    قومن يا نسوان سون لينا الغدا وخلن (الفشخرة) الفاضية دي .. وأضاف في سره بغضب وان شاء الله تقوم بيكن قنبلة (بوزوترونية)
    تريحنا من نقتكن الكتيرة دي



    يـــــارب
    علمني كيف أعفـــــــــــــــــــــــــــوا
    ولاتعلمنــــــــــــــــــي كيف انتقـــم
    avatar
    سكـ مالحة ـرة
    طيار مميّز
    طيار مميّز

    عدد المساهمات : 152
    نقاط المشاركات : 227
    تاريخ التسجيل : 13/03/2010
    العمر : 27
    الموقع : جنب الإشارة الفوق العمارة.

    رد: حبوبات الألفية الرابعة

    مُساهمة من طرف سكـ مالحة ـرة في الجمعة مايو 28, 2010 6:41 pm

    أنا حبوبتي منهم
    حبوبتي من ناس الفيس والموبايل أخرN‏ وراس السنة في الهيلتون
    affraid
    avatar
    rayan abdelwahab
    طيار مميّز
    طيار مميّز

    عدد المساهمات : 126
    نقاط المشاركات : 171
    تاريخ التسجيل : 08/05/2010
    العمر : 27

    رد: حبوبات الألفية الرابعة

    مُساهمة من طرف rayan abdelwahab في السبت مايو 29, 2010 10:02 pm

    لو الحبوبات كده _ يبقي مافي اي مشكله ولاشنو ياسكره
    avatar
    محمد ابراهيم
    طيار مميّز
    طيار مميّز

    عدد المساهمات : 152
    نقاط المشاركات : 250
    تاريخ التسجيل : 17/12/2009

    رد: حبوبات الألفية الرابعة

    مُساهمة من طرف محمد ابراهيم في الأربعاء يونيو 02, 2010 3:44 am

    تحية ابثها الى حبوباتي الاتنين ...........
    بالطريقة دي البنات الحناكيش في الالفية الرابعة حيكونو كيف ؟؟؟؟؟؟؟؟؟
    avatar
    dangerous
    طيار مميّز
    طيار مميّز

    عدد المساهمات : 130
    نقاط المشاركات : 205
    تاريخ التسجيل : 12/05/2010
    العمر : 28

    رد: حبوبات الألفية الرابعة

    مُساهمة من طرف dangerous في الأربعاء يونيو 02, 2010 2:18 pm

    والله حبوبات الزمن داك ما عارف يا سماح لكن بجيهن الخرف المبكر بالانترنت...........دا مايكون خرفن قبلي ما يحصلن مرحلة الحبوبات farao
    avatar
    مدريدي
    طيـار مبتدئ
    طيـار مبتدئ

    عدد المساهمات : 14
    نقاط المشاركات : 16
    تاريخ التسجيل : 06/05/2010
    العمر : 27

    رد: حبوبات الألفية الرابعة

    مُساهمة من طرف مدريدي في الأربعاء يونيو 02, 2010 2:26 pm

    تعظيم سلام لي حبوبات الهنا .. بالطريقه دي حأفكر أستعمل اله السفر عبر الزمن الأنا اخترعتها من سبيكة داي كرومات المشنقندستهيل عشان أمشي الألفيه الرابعه .. ولا أقول ليكي .. أنا حأكبرا وأمشي الألفيه التامنه طوالي .. عشان أشوف العجب العجاب!![b]
    avatar
    مصعب عبد المنعم
    طيار مميّز
    طيار مميّز

    عدد المساهمات : 471
    نقاط المشاركات : 851
    تاريخ التسجيل : 09/11/2009
    العمر : 28
    الموقع : البيت ( جنب الجيران )

    رد: حبوبات الألفية الرابعة

    مُساهمة من طرف مصعب عبد المنعم في السبت يونيو 05, 2010 2:02 pm

    مدريدي كتب:تعظيم سلام لي حبوبات الهنا .. بالطريقه دي حأفكر أستعمل اله السفر عبر الزمن الأنا اخترعتها من سبيكة داي كرومات المشنقندستهيل عشان أمشي الألفيه الرابعه .. ولا أقول ليكي .. أنا حأكبرا وأمشي الألفيه التامنه طوالي .. عشان أشوف العجب العجاب!![b]

    ههههههههههههههههههههههه , بايخ , يا مجاهد خلّي الظرافة !!!

    يا سماح ماشة بعيد مالك ؟؟؟ حبوبات المئوية الجاية يمكن يكونوا أكعب من القلتي ده , و يمكن يكونوا أنتو ذاتو ؟؟؟
    ههههههههههههههههههههههههههههههههههههههه Twisted Evil tongue



    طيــــــــــــران 12

    hashim
    طيـار مبتدئ
    طيـار مبتدئ

    عدد المساهمات : 37
    نقاط المشاركات : 39
    تاريخ التسجيل : 27/05/2010
    العمر : 28

    رد: حبوبات الألفية الرابعة

    مُساهمة من طرف hashim في السبت يونيو 05, 2010 6:24 pm

    ها يابت امي ما بلقا لي عندك antivirus لأنو ال microsoft security بتاع windows vistaبتاعي ما عاجبني ولا اقول ليك خلاص حا أعمل ليهو update (حبوبه والله)
    avatar
    محمد ابراهيم
    طيار مميّز
    طيار مميّز

    عدد المساهمات : 152
    نقاط المشاركات : 250
    تاريخ التسجيل : 17/12/2009

    رد: حبوبات الألفية الرابعة

    مُساهمة من طرف محمد ابراهيم في الإثنين يونيو 07, 2010 3:58 am

    يا مدريدي ...بااااااااااااااااااااايخ... tongue

      الوقت/التاريخ الآن هو السبت نوفمبر 18, 2017 4:18 pm